मिश्रले औंल्याए पत्रकारको कमजोरी

मिश्रले औंल्याए पत्रकारको कमजोरी

काठमाडौं — उपप्रधानमन्त्री तथा स्वास्थ्यमन्त्री उपेन्द्र यादवको विवादित अन्तरवार्तामा साझा विवेकशील पार्टीका अध्यक्ष रवीन्द्र मिश्रले पत्रकारको कमजोरी औंल्याएका छन् ।

उनले अन्तर्वार्तामा पत्रकार कुनै पनि परिस्थितिमा आक्रोशित हुन नमिल्ने बताए । अतिथिले औंला ठड्यायो वा चड्कन हान्यो भने पनि अन्तर्वार्ताकारले त्यसलाई जस्ताको त्यस्तै जवाफ दिन हुँदैन । संयम राख्नुपर्छ ।’

पार्टी कार्यालय बखुण्डोलमा आयोजित पत्रकार सम्मेलनका क्रममा पत्रकारले उक्त सन्दर्भमा सोधिएको प्रश्नको जवाफमा मिश्रले पत्रकार आचार संहिता र पत्रकारको धर्मअनुसार त्यसरी अतिथिलाई झपार्न नपाइने उल्लेख गरे । 

मिश्रले भने — अन्तरवार्तामा मन्त्री यादव पनि गैरजिम्मेवार देखिएको उनको भनाइ थियो ।

‘उहाँ जत्तिको उचाइ भएको राजनीतिज्ञले जे गर्नुभयो, त्यो उहाँलाई सुहाउने कुरा होइन । मिश्र स्वयम् एक पूर्व पत्रकार हुन् ।